有點不安の飛子

呢幾日都真係幾busy地要準備星期5出發o既o野,不過都仲有好多o野未ok....其實睇睇下,都真係好快到.....

不過不太興奮....總覺得麻煩o左好多人......

其實今次係完全地勁man man 緊o既情況下出發....

當然旅費係都勉強地夠o既.....酒店,機票,住宿,飲食,買o野....

但係張飛當然係完全地唔夠~仲要咁鬼貴.....

其實到話有明飛買時,冇咩想買o既衝動覺....一直o係度睇o的飛,都冇咩邊張決定到.....

直至到上星期6,去o左我家姐度拎o急,雖然之前同姐夫家姐傾過,就話今次張飛o既money佢地幫我畀住先....

不過當姐夫畀o左筆錢畀我o個刻,個心有o的唔知點......

因為,而家家姐又有個BB,下年就出世,而且,呢排仲要搬屋,佢o地需要o既錢真係仲貴過o的黃牛飛多多聲....

而且仲要畀多我budget多小小o既錢.....當然呢筆錢真係起碼要一年先還得清....

雖然佢o地口講就話唔使勉強自己咁快畀番o的錢佢o地,但係我心就真係好想快o的...不過自己一月又去.....所以其實而家都真係發覺,一年去2次都真係太多.....唔多錢o既情況下...1年去一次都多....所以都想1月去完返o黎,真係想好好地save下money,唔好再亂買o野買到o的錢冇哂......真係後悔之前成日都唔返工,又唔儲錢....


飛o個方面麻煩o左好多人,都真係唔好意思&唔該哂佢o地......money呢方面都麻煩o左好多人.....

都真係成個旅程都好似真係麻煩o左好多人.....

都真係覺得,下次最好真係自己儲夠錢去,唔使咩都man man 緊緊地去,自己攪掂哂,會開心好多......


而尋日,都終於買o左張飛........

雖然我budget係咁多,但係點知結果張飛都真係用埋姐夫畀我o既多小小錢.......真係完全地詁唔到結果會係咁...

其實,個位o既價錢~比其他同價位係好好多,

因為最後我揀o左第23gate....姐係紅色最左手邊個gate..

o既呢個area o既位,前都ok前,都唔山頂,都正中地....其實就咁睇係幾好o既我覺得...

個view都ok~



而我係o係流通買,當時流通標個價係我budget內....

但當因為我o地時間唔多,點都要尋日買到張,就快手地決定o左呢張.....

雖然我都知流通手續費係貴,不過但係點都冇諗到,手續費加代理o既對換率,total o既價錢,係遠遠地超o左budget....

雖然日拍o既差唔多位o既價係貴過流通標個價小小,但係total點都冇o係流通買咁貴.....

今次都真係.......都真係覺得自己一整個失敗.....

仲有4日.....好多o野未攪呀........

強くになりたい~でも~一人になりたくない~(BLOG友限定)

前文再一次睇nino呢首歌o既歌詞~真係好正~

"僕らはそんな弱くない、でも強くないから。"
"我o地冇咁脆弱~都唔係咁堅強"呢一句~好想變成~我一直都好脆弱~一直都唔堅強~

有時真係想要自己變得堅強o的~獨立o的~但由細到大都係咁~永遠都好介意人o地點睇自己~可能因為自己o既性格係怕羞~慢熱~帶點自卑同內向~真係唔想成日自己o係度諗埋一邊~"傷つくこと恐れって"~

但係~我又唔想太獨立而變o左自己一個人~"一人になって、ほんとに怖かった"~我真係好需要同伴同朋友~一直都唔可以只係靠自己一個就可以做到o野~特別係做o的自己唔熟o既o野~但出到o黎就係要咁~でもとでも嫌い~><~

o係而家呢間公司~話就話都做o左9個月~但係~呢9個月~講真~都仲係有好多o野都唔知~

3個月前都~可以仲係叫做新手~都可以叫做妹妹~但我自己覺得點新手~都就o黎1年~點都唔再係妹妹~但真係好多o野都唔知~

而家又無端端畀o左份interior畀我做~engine我唔熟我自己唔覺得自己掂~但interior我都叫熟熟地但係我都唔覺得自己handle到~design同做真係2樣o野~又要同個師傅夾~有時真係一接到個師傅電話我就= =

而且~做耐o左~會發覺~真係公司係公司~學校係學校~同事係同事~朋友係朋友~真係好唔同~有時又會發覺真係唔好講咁多自己o野畀人聽~

前日同個好耐冇傾過計o既某朋友傾o左陣電話~雖然傾o既時間唔長~但係呢個短短時間我真係好盡情地講o左好多o野~唔使顧忌o的咩~就真係發覺得自己係真係好需要講o野~

唔知係唔係因為最近開始lunch要帶飯食慳錢~發覺同同事好似疏遠o左咁~雖然我唔知呢o的係又係唔係我自己諗埋一邊喇~但有時自己帶飯食真係覺得好lonely~溝通真係小o左好多~

雖然~之前lunch係同同事食~我都唔係點講o野~只係笑~不過個感覺唔會覺得怪怪地~

但當突然地有一日唔記得o左帶飯同同事食~可能有o的唔習慣地~我自己感覺怪怪地~其實都可能係我自己起o左塊牆畀自己~

但係真係小講o左o野好多~真係有時1日都冇講過一句o野~

其實有時都真係想自己放o的~明明我係好鐘意講o野~好鐘意笑~但係就算點慢熱~o係學校~幾個月都熟喇~而家都就o黎一年~都仲係咁~

而家變o左好驚自己真係會口直心快地講錯o左~講多o左唔知o的咩~有時自己到頭來諗番~好似講錯o左咁~

我係真係好睇環境同人去做o野~真係想去一去另一個新環境~不過我想完成o左我個目標先~希望我自己可以放o的~唔好成日諗埋一邊~自己起塊牆畀自己~真係可以"楽になって　笑ってた　いつもみたいに　ふざけたこと言う"

繼續有感而發的一大篇~