我呢個blog,至從在2016年3月中由香港過o左來日本生活後,
最後就係更新o左2016年的嵐學後, 就完全地冇再用過個blog,
到而家, 仲有冇人會睇, 我就唔知喇,
不過因為前日ARASHI的消息, 其實都真係驚訝,
我相信大家都會知道發生什麼事
記者會的內容詳細我就唔多講了.
點解突然會想打一篇文章??
其實係想為現在的自己留下紀錄, 同對今次ARASHI活動休止, 大野智暫停個人一切藝能活動的睇法同自己的個人近況而已.
由2009年開始飯上大野智, 飯上ARASHI,
說快不快, 咁就10年了,
當然, 自己都有好一段時間是所謂的熱戀期,
每天睇佢地的資訊,
聽佢地的歌,
努力找回以前的節目, 電視劇, 音番, 演唱會來看,
買雜誌, 係ARASHI同大野智封面的都會買
補以前的CD,買最新的CD, DVD
買SHOP照, 買GOODS,
之後, 當佢地o的飛係講緊成港幣万蚊以上一張的時期,
為o左可以睇佢地真人,就花上大量的金錢買黃牛, 都不止是一次
真係可以話將自己的儲蓄同人工都花到就黎冇咁濟
當然, 而家我冇都後悔花咁多錢去看真人,
不過只係有點後悔花o左咁多錢買了好多雜誌同相呀o個o的=V=
真的想將佢地拎出來送同賣=V=
但, 當到到自己以去日本working holiday為目標後,
就為o左要儲錢去實行呢個目標,
都忍o左2年左右冇去睇con,
買東西都小o左好多,
而簽證都批o左我, 所以可以去日本working holiday一年
而,因去到日本後,
因工作同旅遊, 可以話令到自己每一天都好充實,
說真的, 節目, 音番什麼的都沒有特別去追,都冇特別去翻睇
因, 都冇呢個時間
但你說,你係咪唔鐘意ARASHI了?
其實唔係, 新歌都會聽, 演唱會都有去看, GOODS都有買
只係冇以前咁熱情而已
而,當前日知道ARASHI要活動休止,
而且原因,更係自己的本命提出,
因想要自由, 想去感受冇束縛的世界, 想去睇清楚自已,想做自己鐘意做的事等
代表住, 呢個本命暫時都唔會再o係螢幕上出現
暫時都冇演唱會, 暫時都唔會見到真人
你話我有冇喊,
好老實講,真係冇,
但驚訝,就真係好驚訝,
當聽佢地o的歌時, 聽到大野智的歌聲時,就覺得唔知幾時先可以再聽到佢把聲時, 就覺得好可惜
因,佢地5個人的感情, 所謂的"絆"
真係好強,
而今次的記者會,我都好小可地,45分鐘睇足哂
睇完後, 我更加覺得,鐘意的是呢團偶像,ARASHI,真係一件好好的事.
因從記者會的一言一語,
都感受到佢地的愛, 不單單只是對大野智,
更是對呢個團, 對飯, 對所有鐘意佢地的人
佢對呢位leader的愛,
member都尊重佢的決定, 畀佢去休息一下,
雖然知道一旦做出呢個決定影響好大,但都畀佢做
而且在記者會中,好多部份內容都替佢說話,
如果呢個leader唔好的話, member唔會可以做到咁
而對團的愛
在記者會將氣氛都弄得很和諧, 有講有笑,
表演出ARASHI的感覺,
都唔會因為小o左一個成員, 而繼續做一團唔係100%的ARASHI
而對飯, 對所有鐘意佢地的人的愛
就係畀2年時間畀我地去接受,
在呢2年時間去見大家, 開總共50場的20周年CONCERT,唔係一件易事
而對於大野智所做的決定,
以下真係只係自己的感覺, 你唔鐘意睇o既,唔岩你睇o既,可以唔睇,
我不會罵佢有冇理過飯的感受, 令到損失幾大, 令到幾多人傷心, 因你一個人而攪到成團,
因為,明星, 都係人姐,
明星都係一份JOB, 佢都係打緊一份工,
只不過佢呢份工, 令到好多人都識佢, 鐘意佢,
可能比好多普通人責任大,在螢幕上講一句野都要諗過好多先講, 私生活都要畀人跟,
當然,你可以話佢,你揀呢份工就要接受呢o的
但係,
如果佢做呢份工, 做到會可能唔開心, 想辭工, 但係因為影響太大, 而繼續做呢份工,
結果就係可能係やる気がない, 但因為呢份係一份工作, 都會帶上責任感去返呢份工
咁同返工等放工, 到到星期日就開心, 但到星期一就覺得又要返工, 唉...
有乜分別?
對我來說,
佢想自由, 想做自己鐘意做的事,
對人生來說, 係最重要
因唔係人人都會找到自己想做, 自己鐘意做的事,
其實佢而家有一個咁樣機會可以做,找到自己想做的事,其實都好難得
而且, 佢都接受member的意見,
係休息而唔係辭工,
咁就當佢去o左旅行咁, 去自己想去的地方, 想做自己的事,放下假
雖然,都唔敢保證, 佢會不會返來,
都唔知佢幾時會返來,
不過我相信佢, 佢覺得滿足後, 佢會回來世界を巻き起こす
而且, 佢自己本人都話, 會好好keep好自己,唔會畀人覺得, 隔o左一排, 返到來時老o左咁多咁
所以,
我希望, 佢的假期放得開開心心~
冇被束縛, 畫畫又好, 釣魚又好,
可能o係呢段間, 佢會找到佢的終生事業/興趣,
又可能會找到另一半,又可能會找到ARASHI的一個新方向
呢o的野, 冇人會知,
所以點都好,加油,
ずっと応援してる～
而我都真係好多謝ARASHI
因為ARASHI,認識到一班朋友,
因為ARASHI, 在來日本之前, 日文的listening同理解能力同日常對話都進步了
都多謝你們令我對鋼琴有番興趣, 都發掘到原來自己可以寫譜
多謝你們在當我失落時, 帶畀我歡樂,
就算活動休止,都唔會減掉鐘意你們的感覺
希望,還在日本餘下的時間,可以再見你們
都希望,下年都可以
而我想說,
如果係以前的我的話, 可能真係會喊,
而家的我,
就好明白點解想不被束縛的感覺
因, 自己都係咁,
本來都係返工等放工的生活
叫做有個去日本working holiday的目標
而呢個目標都實現o左,
但係實現o左後, 之後一年後返到去香港做咩呢?
但又唔想做返以前份工.但都唔知自己可以做o的咩
而去到長崎間guest house做時,
發掘o左自已想做的事, 鐘意做的事,都發掘o左自己的可能性,世界大o左,
識o既野, 知道o既野, 認識的朋友都多o左好多
而語言方面, 唔單止係日文, 英文, 普通話都進步o左好多
所以就在長崎間guest house申請o左working visa,
到到而家,都2年半了,
而呢2年半入面, 發掘到自己鐘意煮野食呢一方面
都找到將來自己的目標,就係想開一間店,
cafe or 將自己鐘意的事物集中一起的店
可能係有cafe+手作+piano+drawing這樣
而現在都有一個機會同場地畀我試下自己提供食物畀客人食
當然中間都有好多不順利, 有開心有唔開心
但係, 呢件係我想做的事, 所以深深體會到,
自己想做的事, 不想被束縛的感覺
想以自己的想法去行動
所以點解話會明白就係咁解
不過, 雖然在日本生活, 同o係長崎呢個地方生活
係好舒服, 而且好鐘意,
不過,自己覺得, 想做的事都做了,
而自己將來的目標都有了
而,呢個目標並不是想在日本實行,
所以, 到到今年8月中, 我會正式離開日本, 回到香港,
去實現我的目標而找飲食行業的工作學習
而將來, 都好大機會,會去台灣,
而都好大機會, o係台灣開自己理想的店
雖然唔知幾時會實現到, 但, 會努力的.
如果睇到呢度o既人
真係多謝你地睇到呢度, 咁長
而下次再用呢個blog時,
就唔知係幾時的事,
有可能,係ARASHI再復出的時再用都未定
それじゃ、またね
沒有留言:
張貼留言