寄生獸看後感~(有小小劇透)~

講下最近o既事先~話說~前日~同同事放工後就去o左睇呢套戲~寄生獸~

其實之前都o係MTR度見過呢張poster~就都冇咩話想去睇~而且都唔知佢講咩~

有一日lunch時同事畀o左個trailer我睇~就感到有點興趣~所以就together去睇~

而聽收音機話呢套野有分2B同3級的~

我地咁大個人就硬係去睇3級~XD~而且都有o的好奇3級有幾勁~

而友人都提示o左我~有3大多血位~就話一死就好多血~好似個血袋咁~=v=~哇~~~~~~~姐係咁~~~o係我o既印象黎講~日本戲感覺多血極有限~~而且呢套戲又唔係用血黎做主題~所以佢多血係多成點呢~??又有o的好奇~

而且我又冇睇過漫畫~又冇睇過動畫~都冇睇過電影簡介~只係睇o左trailer~

就係咁帶住一大份好奇心~但係又驚驚地咁去o左睇~XD~

o拿,未去睇,or會覺得核突唔會去睇,雖然我唔會post o的核突圖,但以下o既小小劇透可能睇字都覺得唔舒服~都係唔好咁入去睇喇~

其實呢套戲都真係驚驚的~=v=~一開始見o的好似蟲o既物体咁入個人個耳仔度,睇到都覺得痛~!!!!!哇...

之後好快一開始已經入主題~就已經講話畀蟲蟲入o左個頭度o既人會變成寄生獸~有人o既樣但係就係怪物一個~所以呢套戲暫時冇講到呢o的寄生獸係o係邊度黎~係外星人呀~??係有人製做佢出黎呀~??什麼什麼的突變呀~??都好似冇講到~

而o的寄生獸個頭分解會變成好似異形咁~冇錯~成套戲真係好似睇緊異形咁~!!!!!!

所以一開始就已經有trailer o個一幕~個頭變o左異形一啖咬o左個頭~!!!!雖然呢度係睇過trailer~但始終o係戲院睇~咁大個螢幕......姐係咁,我異形都小睇,因為真係好核突,所以呢個都唔例外, 一樣咁核突~!!!!!!!!!!!!!

而成套戲有好多位都出現呢o的人身異形頭~初頭係驚o既,但係真係套戲度出現太多次睇睇下都接受o左呢o的異形頭~~因為你唔睇呢o的頭~成套戲精彩o既位你就會miss o左~XD~

而呢o的寄生獸雖然話係食人維生~雖然係實驗階段~但看似佢地係可以食正常食物去維持生命~因為佢地依然係一個人類o既身体~可以做人o既身体function到o既野~,但暫時佢地只可以食人~~所以,點解會有咁多血,就係因為佢地食人~用佢地個頭分解出的武器去殺人~而呢o的武器係可以伸長縮短,而且眼明手快,快狠準,同埋個頭分解出黎的野又可以係個口黎,姐係可以用埋黎食野.........所以都真係好多血..........哇,講到都有o的核突~!!!!!!!!

而且唔單單只係得血,肉都有............姐係明知係假,但因為真係做得好真,真係真係假都假得好核突~!!!!!!!!!!!!!!!!!!!!!!!!!!!!!!!我完全已經貼埋o左去我同事度~XD~因想搵個人依靠~XD~仲被同事問有冇咁驚呀~XD~(是先講明~呢位同事係好大膽的~!!!)

但係呢o的寄生獸好勁的~1日就可以學識日文~好快睇o的野就學識哂~而且每個都有佢自己思想~

而呢隻寄生獸都會死的~基本上~唔斬佢個頭落黎都好難死~XD~

而主人公~都有畀寄生獸寄生~但因為隻蟲黎時佢聽緊歌窒住o左隻耳仔~入唔到去個頭~但因被佢及時發現~~隻蟲入到佢隻手o既一半就畀佢整停o左~

所以呢隻寄生獸只可以寄生o係佢隻右手~就變o左o左呢隻野喇~叫做migi~姐係右手~みぎて(migite) o既右(migi)呢個音做個名~XD~但中文就叫o左佢做米奇~まぁ~個音都o岩o既~XD~

但呢隻野真係好得意~佢個樣係勁弱雞~XD~但係打起上黎~就好似o的普通寄生獸一樣咁勁~但次次一武裝狀態時~2隻手就會變o左做把刀~就攪到勁可愛~XD~

最攪笑係o係有一場度~佢同隻寄生獸打緊~因人地太勁~斬o左佢落黎~之後自己跑番上去主人公隻手度再打過~XD~佢真係好好笑~XD~講o的野好笑~個樣又好笑~做o的野又好笑~XD~

所以呢套戲都有o的笑位~主要係因為呢隻野~XD~

雖然我同事話後期有o的位悶o左小小(而且仲話唔夠血tim=v=)~可能要交代個故事~但係我自己覺得呢套戲劇情篇排都唔錯~雖然有o的位係同原著有唔同~但係我覺得成件事咁睇都好合情合理~

緊張位都多~打鬥位都多~

核突位......姐係咁~如果同GANTZ 1的蔥星人度o既程度相比的話~呢套寄生獸可以話係核突好多~XD~

所以睇呢套戲~感覺成套戲都睇到個人好緊張~

而呢套的CG效果真係一讚~講真~個異形頭同隻migi~一定係CG做出來的~但做到咁真真係覺得好勁~剩係塊面度分解o個下已經好勁~

而呢套戲所帶出o既message~就係opening同ending時講的同一番說話~就係如果人類冇一半~對地球o既破壞係唔係會小一半??~所以寄生獸就係為o左保護呢個地球而黎到呢個去消滅o的人類???

但係~呢套仲未完的~仲有第2集完結篇~XD~好似GANTZ咁~有1同2~而2就日本4月25上映~應該香港都係遲2個月呱~因本身呢套第1~o係日本11月29已經上映o左了~

btw~原來呢套戲有東出昌大~姐係之前o係shiyagare度教5子劍道的那個人~

仲有北村一輝~在怪物君套戲度做印度人那個~

而migi的配音係阿部サダヲ, 姐係o係yatta man度,那個考古學家爸爸~

真的係好熟識o既面孔o既感覺~

再btw~如果呢套戲o既主人公好似GANTZ咁係nino做的話~一定會仲緊張~XD~就好似GANTZ 2最尾的槍戰~去保護畀人斬的吉高o既感覺~

有興趣的睇下trailer都幾正正的~

不過如果係驚異形的話,唔睇好o的~XD~因呢個trailer係有咬o左個頭那一幕~但冇血的~