新年快快快快快快樂!!!!! + 自彈piano第17弾~

o係度~祝大家~新年快樂~~~o係馬年大家都順順利利~~開開心心~~身体健康~因為健康第一~XD~

 

讀緊書o既就學業進步~搵緊錢o既就財源廣進~拍緊拖o既就甜甜蜜蜜~結o左婚o既就永結同心~XD~

 

新年假真係好happy~有利是之外~仲可以放好多假~^^~超開心地今年公司係年初九開工大吉~雖然要扣一日假~都值喇~~~~~

 

今年繼續都係做o的好有新年氣氛o既事~

 

o係年30~同友人去o左行維園花市~人大o左~行花市未必會買o野~主要係感受下o的氣氛~同好多人一齊逼~睇下有咩賣咁~^^~

 

以前細個時~風車又好公仔又好吹氣公仔都好~係一定會買一樣野的~

 

不過都真係好多人~XD~真係勁逼的~

 

而且今年新年真係好暖~而且仲好曬~行到勁熱出哂汗的~

 

好在友人買o左METS COLA畀我飲消熱~XD~原來METS COLA o係一間叫アメ横丁o既零食連鎖店度有得賣的~詁佢唔到~以為呀信屋度會有~不過呢個COLA都真係超ZERO~超冇甜味的氣水~XD~超light超healthy~hahahah~有興趣可試下~
 

 
而因為今年新年唔使拜年~所以主要都係o係家中渡過~所以o係年初一見有時間就做好多野~

 

就久違的自錄了~都真係好久違喇~隔o左成4個月了~

 

因最近又上網買o左o的好好聽o既琴譜~^^~今次就彈o左呢首~

 

コブクロ - 今、咲き誇る花たちよ

 

好似係NHK冬奧o既歌~因為o係ms度聽過覺得勁好聽~而且fast music又出o左~所以就買o左黎彈~^^~

 

呢首琴譜唔算好難~因為拍子唔複雜~而且左手大部份都係跟o個6拍去彈~1,2,3,4,5,6咁~

 

而且彈o既幅度都唔大~所以好快就彈熟了~^^~幾好幾好~XD~

 

之後如果彈熟了就錄埋ゆず的栄光の架橋同JUJU的守ってあげたい~^^~
 

 
而之前錄o左~絢香~首~三日月~的~

 

不過冇post過~就o係度post埋先~^^~都係幾好聽的~^^~

而年初2~就自家食開年飯~首次o係i-square食~

 

所以o係封路前就早o左尖咀海港城join o左家姐先~不過都係聖誕裝飾o既海港城靚o的~

而今年o既年初二~係家姐個女~藍B o既2歲生日~^^~

 

真係一出世咁細粒o既BB~2歲就咁大粒了(雖然都仲係細細粒的~)~^^~都真係好得意呀佢~^^~唔扭計時就真係好得意~XD~

仲好多野講~o的動作又好得意~同佢自拍會跟住做動作的~XD~超攪笑~XD~

所以今年係開年飯之外~都係藍B生日飯~所以今次預早小小book定去i-square度食開年飯~因為可以睇埋煙花~^^~

呢個高度睇都幾好o既~不過係間酒店就阻住哂咁姐~好想批o左棟野佢~XD~

呀~影到心心了~^^~

間野叫咩文"頂"一號~出名呢舊大煎推~都真係幾大個呢~XD~

 

雖然個假期好長~不過都好多野要做呢~

要做日文功課~要溫下書~因為又就黎考試了~

 

之後要執好個profile~打過封求職信~搵下有咩工o岩做~

 

之後仲有就係想執下部腦o的野~整理番佢~=v=~其實想做好耐了~不過一直有新野加~但一直都冇執~亂78槽~~~

 

呢個新年假就係咁過喇~HAHHAHA~