アラフェス13 x 3DAYZ ~ 2013.9.21 ~

 又到o左第3日呢~~~~~

 

btw~前2日都冇影下酒店外o既景~雖然都冇咩景睇~XD~都只係得o的棚架~職業病的~^^"~

 呢1日~其實都幾論盡的~

 

首先~呢日第一站係去三鷹美術館~姐係宮騎駿o個個~而之後我就我就約M小姐去唱k~之後就會去買goods~之後就會直接去佢家度訓~~

 

所以就拎埋個o急出去~但係~可以叫做我第一次搵locker去擺個o急同隨身物品~真係第一次感受到~乜日本咁多人用locker架........係咁多人都會拎個o急出黎擺o係locker= =

 

雖然係星期6姐......首先新宿個站咁大~咁多locker~個個都畀人用哂~不過新宿多人就算喇~

 

初頭諗住唔想出閘就lock到~但係奈何o係閘內的都full哂~細站都係~結果最後o係去三鷹中途o的站度終於搵到locker放到個o急....

 

但另一樣論盡事係.....行去搭車途中,著緊o個對涼鞋有一條帶甩o左T_T...雖然係條帶係頭尾係痴住o係對鞋,甩o左一邊都未至於會甩鞋,但行耐o左之後斷埋另一邊就甩硬...

 

好在叫帶o左個o急出黎~好在本身有帶多一對鞋黎旅行(初頭都只係想用黎襯衫^^")~所以o係放o急入locker時換o左對鞋佢~^^"~真係超論盡呀~!!!!!!!

 

不過o係朝早o係度搵locker~又換鞋咁~已經比預期浪費o左好多時間呢~><~

 

之後去到三鷹站~仲要係搭多程巴士先去到美術館度~

 

幸好~可以坐到呢架有佢地o的公仔樣o既巴士~^^~

 而上架巴士前要o係隔離o既售票機買來回車飛~300yen~

 間美術館個外牆就係咁喇~~~有好多o的綠色野o係o的外牆度~好有o係戲入面睇到o既自然環境咁~^^~

 

不過~真係好想講~今次我終於可以成功去到喇~!!!!!!!!!!!上次可泣的遲到入唔到去T_T

 

btw~上次買飛時~係可以畀外国人o係lawson度買張入場飛~不過就限o係咩時段入咁~

 

但係今次~要有lawson o既account先可以買~但申請lawson account又係好似要電話地址o個o的野~

 

結果~最後就o係香港間日航咩旅遊度買~雖然貴小小不過佢好在係冇限o係咩時段入~只要o係你book o左o既o個一日內入去就得~

 不過入面係攝影禁止~所以一定要親身去到先睇到入面係點~

 

所以以上o既相都只係o係室外的~

 

不過呢個美術館真係好值得去睇~!!!!!!!入面個環境都好靚~睇完會覺得宮騎駿真係好勁~

 

以前o既年代可以做到動畫~人手地用到咁多顏色真係好厲害~好似o個一個area用幾多號色咁~

 

跟住成座勁多顏料咁~而且仲有佢o的手稿呀~我真係好鐘意o的手稿~覺得好勁的係小小線條就可以有個樣出黎~

 

仲有唔同layers所帶出o既前後感~點樣去製作動畫呀~等等~

 

真係有好多野睇~真係好值得用多o的時間細心去睇每一樣野~

 

而且入面仲有個戲院仔~係冇播過出街的~好似只有10幾分鐘o既小電影~而且係真係用菲林用o個o的機播出黎~

 

而且~入面冇咩對白~但有好多人配音~配o的落雨聲~水聲~風聲等等~好得意的~^^~

 

而且我唔記得係邊樣野~係タモリさん配的~^^~

 

而內容都好得意好好笑~^^~值得一睇~^^~

 

而且~連個廁所都好靚的~XD~

 之後就行上屋頂影機械人~~~見到呢舊好靚o既野~不過唔記得o左佢係有咩用~XD~

 就o係經呢度行上去屋頂架喇~

 oh~~終於見到佢喇~!!!!!!!!!!!!我第一次睇宮騎駿o既動畫就係天空之城~~

 

呢個機械人都有好深刻印象~最記得係呢個機械人保護個女仔o個幕~

 之後沿住條路就會見到呢舊野~

 

一個超mordern會o係個天空之城入面move黎move去o既野~

 之後走番出去時~o係地面度行外圍行番入去~就見到呢隻大龍貓了~^^~諗起sho畫o個隻~XD~

 

而o的黑色粒粒~煤炭屎~?就諗起小大掛o係手機o個粒~XD~

 當然o係度要買番o的手信呀~買番o的野畀自己同朋友喇~^^~咁難得黎到bor~^^~

 因為睇到買到唔知時間遲哂大到~本來約2點變o左4點先去到join番M小姐~^^"~因又要去拎番個o急出番城~所以又係一整個趕~^^"~

 

之後就去池袋唱K~!!!!!不過因為o係池袋o的locker又係full哂~結果又係拖住個o急去唱K~^^"~

 對上一次去日本唱K已經係睇国立BW時o既事呢~超久違啊~!!!!!!

 

而今次有M小姐帶路~原來日本K都有咁多野食~而且仲幾好食tim~^^~而且個時段promote野飲任飲tim~

 而且~好奇地試新野~第一次知有個camera~係可以拍住自己唱歌~XD~勁攪笑~HAHHA~

 之後就係~2年後~再次黎到国立呢個地方呢~~~見到o既畫面感覺好似冇幾耐之前黎過咁~但係已經係2年前o既事呢~^^"~

 夜晚都真係唔係好點影到o的旗~^^"~

 上次因為打風~所以買goods o既地方o係室外~好鬼死熱的~

而今次去就天氣好好~所以照舊擺番o係室外~o係樓梯上~涼好多~~~

不過...上次就係因為代買goods就拖個o急去~結果今次係因為冇locker擺o急所以就要拖埋個o急去~=v=~

都終於明白要台個o急上幾層樓梯o既感覺了~=v=~超大変~^^"~

上次排goods就係早上去排~今次夜晚去排~又唔使曬~又好快就買哂~真係好~^^~

不過我真係再次好佩服計錢點數o既staff~唔會用部可以先乘除後加減o既計數機去計~=v=~

 之後買完goods已經超疲了~就去M小姐家附近o既居酒屋食dinner~再次食個好好味o既薯條~^^~

而且我地2人都談o左好多心~XD~HAHAHA~

之後就去M小姐家度訓了~^^~距離車站路程10分鐘左右~初初第一次行去佢家時~都真係覺得幾遠的呢~不過行慣o左其實都ok o既呢~只係好攰時拎住個o急時再行就有點攰~^^"~

而且佢家係o係第3層(地下計第1層)~要拎個o急行樓梯真係會超攰的了~^^"~

不過都真係第一次見日本o既家係點o既呢~^^~感覺真係好新鮮呢~^^~

btw~呢日係有播shiyagare的~o係酒店o既R小姐~影o左呢o的畀我~XD~

第3日完~仲有第4,5日~^^~