突發的事 in 12月29-31日

咁呢, 如果冇睇上一篇的都唔緊要, 因為真係太長了^^"

我諗應該冇乜人會咁有耐性睇XD~同埋只係我的private生活的事情

呢篇係特登開的,因為其實我有好多野想講

其實呢呢3日~29-31日,真係有件好突發的事發生o左.....眼淚呢3日每天都在流.............

在29日時,在fb度見到一位嵐飯本命aiba友人的post, 

詳細睇, 係佢哥哥post的,

其實fb咁多人, 說真的,有時我都會miss了好多人的post冇睇到, 都唔知係唔係真係咁o岩, 

咁o岩自己開個fb睇2下, 咁o岩佢哥哥post o左冇幾耐, 咁o岩就睇到了,

而佢哥哥都係幸好地找到佢FB pw, 所以先知道發生了呢件事, 

見到都嚇了一嚇, 內容係說那位友人入了深切治療部, 昏迷緊...都不知發生什麼事時

找了另一個嵐飯友人(呢度叫佢做C喇), 問問佢, 大家都嚇親了..

就聯絡o左佢哥哥

得知, 因為急性心肌炎, 令到腦部曾經缺氧, 呢幾日都係關鍵日子, 但之後好大機會做植物人....

睇到呢度.........真係眼淚都不自覺地要流出黎了.......

當時仲返緊工, 好在我坐的位係背對出面, 喊都唔會有人睇到....

真係真係.......當時心情真係好複雜....



因其實就在幾日前,25日,我同那位嵐飯友人, 同佢,在whatapps group度仲傾緊,幾時約出黎見個面食過飯, 但因最近我都真係好忙所以約唔到,到1月約會好o的, 

但係明明幾日前仲傾緊, 但到到26日那天就在fb呀,wb呀都見唔到佢的動靜...所以應該係26日時發生的呢......



其實呢位友人, 係o係呢個blog度識的, 佢都係一位blogger, 唔知有冇人睇過, 

http://mercyaaiba-musicismylife.blogspot.hk/

佢在blogger網名係mercy, 

一直潛水的佢,唔知邊日突然浮上水在我呢度留言,就認識呢個人, 

後來, 在wb度佢見到我acc, 就在wb度一直私信傾計, 

後來, 因為佢本身係一個fb fan page的一個管理員, 佢想攪一個function所以就問我意見,邀請我加入, 所以就交換o左tel no, whatapps傾方便點, 

又到後來, 佢邀請我加入去佢個page度做管理員, 咁我又冇咩所謂地加入o左, 

而呢個page本身計埋佢就2個人, 而另一人, 就係C, 

其實本身大家都未見過, 而同mercy只係在交收miyagi的goods時見過一次面, 而C就係未見過的

所以mercy就想約下我地呢3個管理員見下面食個飯咁, 

但係,都仲未約好見面,就發生了呢件事了.........



之後就約了C, 30日去醫院探下佢打下氣, 

所以呢幾日, 我都好自責, 因為覺得就算幾忙都應該抽小小時間見下大家呀........

就係因為忙, 結果我地3人的相見, 竟然要係o係醫院..........我地明明話要食飯架ma....

就係因為忙, 第2次的見面竟然..........



所以在29日晚上, 就臨急臨忙畫好張卡, 在那個fb page度希望可以收集到打氣說話, 做成一本書仔送畀佢,同佢打打氣........



但當到到30日上午, 

張卡都未整好,自己的message都未寫時, 

就收到佢哥哥的whatapps, 

說, 醫生話冇得救, 加長只會帶畀佢痛苦...........今日見佢就係最後一日見佢了......

見到呢度,又喊到7彩.....

點解咁架.......乜死神君真係要帶佢走???

佢先得o個20歲, 都仲未出黎見下呢個社會, o岩o岩先完成學業, 佢仲話2016年要去東京見5子, 5子都未見, aiba都未見, 就要帶走佢???唔係呀ma.......

見到咁都已經唔知講咩好....生命真係咁脆弱???

張卡寫get well soon, 但情況卻係咁.....

當我在寫個message,都唔知點寫好......只可以繼續打氣, 支持佢

將元気的說話, きっと大丈夫的說話, 留低畀佢, 希望佢會睇到, 希望佢會收到....



那日放工時, 就去了醫院join C, 加埋佢收集o左的message後就拎上去送畀佢...

當上到去ICU, 

一個咁元気的女仔, 我的印象仲在交收時的女仔, 就冇哂意識好似只係識呼吸咁訓o係張床到, 

好多儀器好多條喉.......

見到咁o既境象, 個心真係好up..........

雖然唔知佢聽唔聽到, 在床邊就一直同佢講野, 畀message佢, 叫佢起身睇本書仔, 叫佢起身一齊去睇con等等..........

仲話, aiba都好番, 你都會好番的, 

一路講一路喊, 真係.........................唔知講咩好.....

醫學o既野我真係唔識, 但點解救都救唔到?????????電視劇上o既奇蹟呢???

一切都唔明, 一切都黎得太快............

雖然我認識佢唔深, 但係大家相識都係一種緣份, 

見到咁真係好心up............





到到31日上午, 

又再次收到佢哥哥的whatapps, 

說, 

佢已經離開o左..........

真係一日的消息比一日差更心up......

31日,

呢日, 2013年的同一日, 

都係嫲嫲唔o係度的日子, 

31日, 呢日的記憶真係太深刻了...........



去到呢個moment, 已經都唔知要說咩好了, 

只好說, 希望佢去到天國都開心咁生活, 健康冇病冇痛, 而且都一樣可以睇到5子, 睇到aiba



都唔知係唔係真係咁o岩,

在佢的blog, 最頂的一篇就係2015年12月31日, 

雖然只係置頂blog, 其實最後係o係8月19日更新, 

但感覺, 佢的時間就係停留o左o係呢日咁


真係, 

珍惜眼前人, 真係今日唔知聽日事, 每個人o既生命係長係短大家都唔知, 

長命百歲o既有, 因健康因意外而唔o係度o既都有, 

有時唔知邊度聽到話, 長命百歲唔係必然, 

所以, o係生存o既時間就就要好好珍惜, 珍惜時間, 珍惜身邊o既人 , 同身邊o既人相處o既時間, 

唔好咁多負能量, 唔好成日唔開心, 

快樂地生活係好緊要的, 知足常樂

同埋就算幾忙都要關心下家人, 關心下朋友, 

得閒就食下飯呀飲個茶呀, 去下玩下,傾下計呀, 同家人相處多o的呀, 嘈交就唔好喇, 

希望唔好冇o左先黎珍惜, 當冇o左的時候, 一切已經係太遲了,

時光總不留人

就係咁喇