香港管弦樂團 X 王菀之 X 馮翰銘~王菀之作品賞~看後感~

真的真的~今次呢個真係要開篇blog講下~因真係睇得太值了~很難忘的一次~

我真係好耐冇去聽香港歌手~而且都好耐冇聽過管弦樂團 ~

今次其實都幾突然去聽的~

首先真係要說說個點解會去睇o既故仔先~

首先~其實我都真係好小聽香港歌~

應該至08年打後到到上年為止~一直都係聽日本歌~

而家聽得多o左香港歌~係因為而家o既公司會開收音機~所以呢年幾聽多o左好多而家o的新歌~

而且~因為而家學唱歌~要搵歌唱~而我又唔想唱o的一般K歌熟到爛的歌~通常都會搵o的未聽過又覺得好聽想唱又有o的難度o既歌~~~所以歌都聽多o左好多~

btw~其實學o左咁耐~唱歌對我最大問題係~唔夠火~唔夠爆~唱得太soft~唱得太開心~XD~唱唔到sad歌^^"呢o的係呀sir成日話我的=v=某o的soft歌~開心歌對我黎講係冇問題~但係o的sad歌~rock歌~就係唔o岩我唱~hahah~

而在搵歌時~就搵起王菀之o的歌~其實王菀之一直對佢都有好感~都因電視劇關係都覺得呢個人係幾有趣的~

而我記得好耐之前~應該中3左右~o岩o岩佢出道~佢同藍奕邦去o的學校巡迴~佢黎過我間中學~自彈自唱"我真的受傷了"~

o個時~音樂miss同drama o的同學講~做drama時唔好好似王菀之講野咁細聲~XD~因~佢真係好細聲~XD~

仲有最記得藍奕邦o個時係唱"熱帶魚"~個miss話佢就黎彈爛部琴XD~因佢o個時都真係彈得好激動~掃哂琴咁~XD~

好喇~回正題

而搵王菀之o的歌時~除了佢出名的歌之外~

原來佢仲有好多歌~好聽之餘~仲幾得意tim~姐係唔係一般K歌~而且有o的都唔易唱~

而聽歌不嬲都係聽melody先~歌詞擺第2or第3,4,5位~所以聽佢好多歌o的melody都幾得意~

以前一直都鐘意聽的就係"畫意"呢首歌~係講畫家"梵高"o既一生~

而因為那時中學art history都有讀過~所以呢首歌對我黎講係好深刻~

而入面o既靜靜的同爆爆的對比幾鐘意~仲有有別於其他歌的piano音~^^~

(不過呢首歌真係好難唱!!!!個句子太長了~~~次次唱K都冇氣~=v=)

而今次會去睇~都真係好突然~

其實呢個show~o係收音機都聽宣傳過的~o個時都冇諗住去睇~所以售票時都冇去買飛~

而就因為搵歌唱時~突然鐘意佢o的歌~突然好想去睇呢個show~突然就興起即刻搵歌班o的fd去睇~

因真係除o左想聽佢o的歌之外~另一想去的原因係因為同管弦樂團合作~!!!!

其實我都好鐘意聽管弦樂團~特別係去演奏流行曲~

姐係好似jun o係24時間同班學生指揮咁呀~~~o係arafes 12時~5子唱one love, truth, 5x10時的感覺咁~真係超鐘意聽呢o的~

仲有仲有就係演奏disney音樂的都超好聽~所以就好想去了~

而因為太遲關係~因真係2個星期前突然決定想睇~XD~

所以其實官方o的飛已經賣哂~所以就唯有買牛牛~~^^"~

咁在香港要買牛牛~我只係知yahoo拍賣~XD~

所以好臨時地去睇~超快地去買~XD~因見平的位都唔多~~

所以最後買o左$380的位~咁牛牛當然就貴小小~貴100蚊喇~^^"~但都平過o的貴位~XD~

就好似平時睇con咁~我的位置就係o係度~XD~

(其實買飛時完全冇理個位~XD~只係想入去睇only~)

而都真係好耐冇去過文化中心聽音樂了~~~

對上一次去文化中心聽音樂應該都係小學時~因o個時學古箏~所以就同媽媽去聽古箏演奏~

而對上一次去文化中心睇野~就應該係2010年~sho套小雙俠o係文化中心度播的一次了~XD~

真係除o左睇5子的con會興奮之外~

在香港的~佢係第一個令我勁興奮地去睇的歌手了~

而且我係好小睇香港歌手的concert~對上一次就係同家人去睇sam hui~XD~o個時係仲有女生宿舍的時候~XD~知o既人就會知幾耐之前~XD~

不過如果話~如果去睇sammi呀~kelly呀~o的concert都未必會咁興奮~

所以~呢位歌手~真係令我呢個哈日族的人都會去睇的人呢~

而入場前就買o左佢本piano book~

之前聽收音機時聽過有呢本琴書出~因突然喜歡就想彈下了~

但之前去過通利~唔見有得賣~><~就好在o係呢度有得賣~所以超開心地買o左了~

因入面o的譜係佢自己編的~而呢本書隻piano CD都係佢自己彈的~仲有入面o的插圖都係佢畫的~haha~

初初諗~o的譜會唔會好簡單~??(音樂方面~我係鐘意向難度挑戰的XD)

而上網dl過隻CD~聽落~唔係普通流行曲的編法同埋都唔係簡單的~所以好有興趣地買了~

BTW~原來在年頭時有舉行過呢本書的piano competition~><~好有興趣想玩~但miss了......

望的view就係咁~~~wow~好近啊~!!!(當然~比起5子的係近好多場都細好多~)

突然真係覺得自己好似睇緊5子con咁~haha~

不過因我係o係上層~所以近我呢邊的演奏者就睇唔到呢~

而呢度有2部琴~遠o的o個部係alex fung 同客席pianist彈的~近o的o個部係王菀之彈的~所以佢o係呢邊我係睇唔到人的~XD~

全景就係咁~~都真係坐滿哂人咁濟呢~~~

而song list就係以下~

Bottle of Light

Overture

末日

多得你夢

哥歌

Bottle of Hope

融了鐘的時間

柳暗花明

(巴黎沒有)摩天輪

原來如此

Bottle of Life

詩情

我來自火星

低科技之歌/粒糖有毒

下次愛你

中場休息20mins

Bottle of The Fallen

開籠雀

迷失藝術

最好的/Where 's My Teddy

White

我們他們

Bottle of Faith

Verdi: Requiem, Dies Irae

天堂有路

小俠

安妮．法蘭克

encore??

水百合

.

.

.

(是說,完o左安妮．法蘭克後,就係o的挨拶~到最尾先講野~介紹一大班人咁~之後仲有幾首唱的~但唔o係個list度的~有o的係似聽過但唔記得歌名~而且仲唱o左首英文歌~)

而看後感~

就係呢一場係真係一場好值得睇o既show~

就算係畀多o左100蚊畀牛牛都值得睇~

因佢入面~除o左係有管弦樂團~仲有普通的band~仲有piano~而且仲有加o的mixing??~

(piano令我好深刻的係~冇諗到piano條弦都可以用黎加入演奏的一part~XD~)

而在多得你夢,安妮．法蘭克呢2首就仲用o左o的bell~

就係左下角那個~~姐係aiba在2004年24時間TV度同演奏的一個~要前後FING先會有靚聲的一個~

仲有中間的那個盒有幾條野的都有用~就o係哥歌度用o左~

而且~仲有仲有~用o左呢個音樂廳入面o個座管風琴~!!!!姐係全景相左手邊那部~

冇記錯呢~係在開籠雀, Dies Irae, 應該天堂有路同水百合都有用~

而呢度咁多首歌~要將流行曲的音樂變成用管弦樂團去演奏已經唔係一件易事~

仲要將管弦樂團同band夾~而夾得黎又要不失每件樂器的特色~

而管弦樂團都唔會首首歌都用哂咁多件樂器~而且邊度用小o的樂器~邊度要激昂o的去提高個情緒~~每件樂器演奏o的咩呀~咁~

就算o個o的小提琴呀~中提琴呀~大提琴呀~低音大提琴呀~都唔會個個都要拉~

要夾之餘~佢仲將每首歌都重新編曲~

雖然我唔係首首歌都聽過~唔係首首歌都識~但係識o既歌一聽~同我平時聽開的感覺都不同~就好似聽緊一首新歌咁~

由o的樂器一開始演奏的一刻開始~我就由頭到尾都聽到起哂雞皮~

真係學王菀之話濟~呢個show係難做過o係紅館開show~

但令我最印象深刻的係~"開籠雀"呢首歌~

係因為呢首歌~我就開始搵佢其他歌聽~

因為呢首歌係一首好開心的歌~大概係講任何人識唱又好唔識唱又好都可以自由地唱的一首歌~melody係有馬戲團feel的~超有趣的~超鐘意呢首歌~

但而呢個show度~佢就加o左管風琴~將成首歌的melody用唔同樂器o既編排將首歌變得勁黑暗~~~完全係另一種感覺的歌~真係覺得原來首歌仲可以咁玩呢~~~就覺得超正了~!!!

而"詩情"呢首歌都變到好似有點jazz咁~

而"融了鐘的時間"又係好深刻~因一開始o既guitar彈到好似西部牛仔咁~再加上輕鬆玩野o既演奏~就係超開心的一首歌~最攪笑係最尾度大家以為完就拍手~但其實原來仲有2下音的~XD~就笑了~

而"低科技之歌/粒糖有毒"呢首歌同水百合都係玩到勁癩的~

而冇記錯~應該由white開始????姐係"畫意"的英文版~客席pianist 何秉舜就出黎彈了~

果然係pianist~真係彈得好正~!!!!!!!!!!!!!

而Verdi: Requiem, Dies Irae呢首古典歌~加上有王菀之父母的天使合唱團黎唱首歌~接著唱埋首"天堂有路"~~~真係o個種震撼感係雞皮起到極點~XD~

真係除o左起哂雞皮之餘~聽o既時間~成個人都就係沉醉o左o係入面咁~就係成個人都係畀o的音樂包圍住咁~

呢種concert~係同5子的係好唔同呢~當然係各有各好睇~

而都學fd話濟~香港唔係個個歌手都可以handle到一大班管弦樂團~因首先唱時唔會畀管弦樂團蓋過到先~而且仲要同管弦樂團一樣做到那種震撼感~

而且~呢個show~講野唔使多~衫唔使好多套~都已經好足夠了~

而且個個入黎~fans都一定有~但係個個入到黎~都真係靜靜地欣賞緊呢個音樂會~而唔係普通紅館睇concert咁~~

所以~呢個show~真係一個好值得睇o既show~

我好耐未試過~臨尾拍手時係拍到咁大力拍到真係手都攰了~

因除o左個王菀之o既唱功演繹~仲有每首歌o既編曲編排~每位演奏者出色o既演奏~等等~

每個人個角色都做得好出色~

真係睇完都覺得自己又起番個衝動做番o的音樂野至得~XD~(當然係關5子事XD)

以下加o的在官方fb度的相先~

呢度就係"融了鐘的時間"~真係好得意~佢仲係咁拎住2支爬爬o既物体o係度打鼓~XD~超開心的~

而"低科技之歌/粒糖有毒"就有3支咪的百合咪stand~

仲可以轉的~如果冇聽錯的話~應該每支咪的聲效都有o的唔同~???

而在"開籠雀"度就係彈呢個琴~演奏了黑暗版的"開籠雀"~XD~真係第一次聽呢個琴~真係好正呢~!!!!!!!!!!!!!!!!

而天使合唱團就係在天堂有路那時~同埋最尾encore時出o左黎唱~~~

因我真係睇唔到呢邊的~都真係唔知原來呢度仲有部電子琴~當客席的pianist出來後~原來alex fung係o係呢邊的~

而最尾那首~安妮．法蘭克~

隊band, alex fung同王菀之就用呢o的bell去演奏~其他樂器都冇~


靜靜地聽o的叮叮聲真係好正~



以上~真係好小會打一篇咁長的文唔係關5子的~因真係好深刻好想記下今次的memory~

所以有興趣的~就睇下喇~XD~