Last Day of GLH

我又失蹤o左成2個星期~終於又回歸了~

 

話說~o係前日~2月o既最後一日,我都終於o係呢間公司度離職了~

 

其實時間都真係過得好快呢~其實我1月中時遞~咁就個半月了~><~

 

o係呢半個月~都o係度不停咁做o的handover o既野~而正式開始handover畀同事就係2個星期前~

 

但其實明明時間係足夠去做的~但係就編編最尾呢2個星期就做到死o左咁濟~怪就怪自己file o既野太亂了~o的文件就咁一疊就zip哂入個膠file~而電腦入面o既file左放一個右放一個~有幾個file係重覆的咁~有o的重要文件又唔scan入電腦~

 

當然如果我o係度做~呢推野對我黎講係問題不大~因我一睇就知係咩黎~但係如果係畀下一手人黎睇~就係亂78槽~唔知係咩黎~要搵都搵唔到~= =~

 

所以我就好盡力地呢2個星期不停咁o係度scan野~執file~所以o係最後一個星期好努力將o的野攪到靚靚仔仔~晚晚做到8,9點~都真係平時都冇咁勤力呢~

 

雖然次次都畀呀爸呀媽話~都走LO~算喇~就咁就畀下一手人就算喇~但係我個性格就唔係咁~要做就做到好好睇睇~唔會畀麻煩人~

 

所以攪o左好耐~又好趕時間地~到到最尾一日時我到o左晏就3點幾4點先可以交低到o的野畀人同人講解下~

 

畀完一個~到另一個~期間仲要執清自己o的野~因為裝修時有勁多sample o係我度~真係好在之前執o左2箱廢紙出黎~~加加埋埋執o左一大箱垃圾~^^"~

 

而唔經唔覺~原來自己o既私人物品都有2大袋=v=~早知之前分批拎返屋喇=v=最後一日先黎執~真係勁花時間而且仲勁重tim~!!!!

 

攪攪下~執埋o的野~做埋o的手尾~攪到10點幾終於走得人了~咁總算都冇咩問題地放心放底地走人了~

 

就係咁~就正正式式~冇extend地離開o左呢間公司喇~

 

 

睇番上次搬黎呢個新位度坐時~已經係半年前有多o既事呢~

 

其實時間都真係過得好快呢~2010年o係IVE度畢業後~做o左3個月summer intern後~經朋友度就入o左呢間公司做~初頭諗住係騎牛搵馬~所以都只係part time形式咁做~

 

之後做o左3個月就遞o左信~但同部門有位同事就出到e-mail黎留住我~心軟地又未搵到工o既我又留番o係度做~

 

之後繼續搵o的室內設計o既工~本來搵到有間請我~但o個間野遲遲都未叫我返~所以就放棄o左佢~結果做做下o係呢度由part time轉o左做full time~其實諗諗下如果唔係o個位同事~同埋冇放棄做o個間公司~我諗而家o既生活唔會係咁呢~

 

之後期間本身係做engineering dept. o既draftsman~因老闆見我有讀室內設計~就開始畀o的裝修野我跟~攪完佢地o既一個單位~之後又畀佢個女間房我design~之後仲要跟埋公司個裝修~感覺我o係呢3年幾~做裝修o的野仲多過我做畫圖o的野呢......

 

由2011年年尾開始傾~之後實行去做~之後中途因金錢問題轉o左裝修公司~之後攪攪下~到到今年農曆新年前先至攪掂...........

 

其實間公司又唔係大~2000幾呎~要攪成2年先攪得掂都真係勁.........雖然話係分o左做3part 姐......

 

所以最大原因令我留o係度遲遲都唔走o既公司裝修終於攪掂後~就終於可以放心地走~

 

雖然老闆都有出到聲留我~不過我知如果我唔走~之後一定會再畀多2個單位o既裝修我去跟~而且~我就又會畀裝修食住~而且又遲遲都唔的起心肝辭工~同搵工~

 

不過始終o係度做o左3年幾~都真係好唔捨得走~因呢度o既同事真係好好~o係呢度有咩講咩~笑笑講講~冇上下關係~冇勾心斗角~其實好難得的~

 

而且返工又方便~又夠近~有時遲到都仲可以搭下的士咁~^^"~

 

不過學屋企人,同事同友人話濟~襯後生就去下第2度~試多o的野~o係呢度唔會係發展o既地方~咁後生唔使尋求隱定住o既~而且屋企又暫時冇咩要我負擔~生活上又唔使咁擔心~係可以去下第2個地方~做下自己鐘意o既野~

 

所以~而家就要努力搵工~努力見工~!!!!!我知道而家o既我同3年前o既我相比~呢3年經驗係冇白白浪費~起碼我知道~自己都唔係咁討厭安室內設計~起碼而家轉返去到室內設計~都叫做係有經驗~而且自己係有能力去handle到一份project~自己係有能力做好成件事~同其他人又夾得好好~

 

同埋都知道~其實冇野係唔識就做唔到~只要肯學肯做就咩都做到~

 

咁樣對自己都有番o的信心~面試時唔會好似3年前咁~去問人地自己要求o既salary會唔會太高~咁大獲~^^"~所以希望黎緊下星期o個2份面試~會順利過關~^^~加油~!!!!!!!!!!!!!!!!!!