摩羯座o既人原來係咁~~(BLOG友限定)

之前o係WB度見到呢個o野~講摩羯座~姐係山羊座喇~咁我係呢個星座~所以8掛地望下~

撇除愛與被愛呢樣o野~focus o係佢所講摩羯座o既人係點樣~睇完~佢講得好o岩~簡直係一樣~!!!!真係好厲害~所以好想打下呢篇blog~

等我講下有咩係o岩先~所以BLOCK一BLOCK佢喇~

 

*唔識表達自己呢樣o野~正確~
-->成日自己想咁樣~但係講極人o地都唔明~^^"~

*小sd sms~小打電話~係~!!!!
-->所以我個手提係唔會出現爆分鐘呢樣o野~而~到中3時先有手提電話~到中5都仲係用緊電話卡~^^"~o係o個陣時o既年代(<--做咩講到好似咁老咁架~都係02年姐~)~中1好多人都有手提架喇~

*我係唔鐘意做決定人~o的小事情真係咩都無所謂~
-->食lunch時去食邊都唔會做決定~因為又唔係我自己一個人食~有時揀食o的咩都無所謂~揀o左我就食咁~又冇咩o野係唔鐘意食o既~
-->買衫買o野都係~都唔會執著件o野係點~只要好睇就得~成日都好受人影響~有時買o左返o黎畀我呀媽睇~先發現有暇痴~XD~
-->仲冇所謂到唔留CD側紙~掉o左個包CD個膠袋~貼o係膠袋個貼紙剪出o黎痴o係個schedule book度~XD~而家我唔會咁喇~haha~

*我有自己想法~就邊個都阻唔到我~XD~o岩~!!!!
-->中5會考完明明係可以升中6都唔升~走o左去IVE讀design~好多人都問我點解唔讀中6~初初一心諗住想讀自己鐘意o既o野~不過呢個直覺唔係好o岩~^^"~我鐘意o既係fine art多過design~所以我真係有o的後悔冇o係中學繼續讀~因為中學時所學o既fine art 我真係好鐘意~素描呀~板畫呀~ceramic呀~我係超enjoy~雖然有時都係有趕art功課o既時候(因為我做得好慢)~但我冇逃避過o的功課~IVE時就成日都逃避~成日都o係最後一刻先做o的o野~就攪到次次present前一日~一定唔使訓覺~

*善辯o既口才~???斗咀~???
-->我通常都係同老豆斗咀~同埋會成日串自己最fd o個個人~XD~

*不過我牌氣都真係幾倔~XD~不過~通常都係o係屋企人面前~

*我又真係好小同人提出要求~

*冇咩理財觀念~係......= =
-->公佈con前~我一直都冇儲錢~一直就係咁使~想買就買~上年去完個名古屋~本來個戶口都有o的錢~但係就一直係咁使~攪到而家lunch要帶埋飯~><~又要儲錢去con~><~

*單純美好o既心靈~XD~
-->單純~都係o既~美好~就見人見智喇~美好呢家o野~自己定唔到~
-->但有時都真係有好多o野我都唔知~因為都冇接觸過~就好似~都係最近~入數多o左~先至會多去o左銀行~都因為入數多o左~先知原來唔同銀行係可以用部入錢機入錢~唔使要去櫃檯度入~^^"~都廿歲人~會唔會有點兒遲o左小小先知呢~XD~
-->但係我真係冇咩主見~XD~

 

haha~唔知有冇都講中o左摩羯座o既人呢~^^~