近況 + 小小"告白"看後感~(blog友限定篇)~

之前要話要講講我o的近況~

所以呢一篇就係全部都係我o既LIFE~好長~!!!!!!

再次將呢篇列入blog友限定篇~因為有o的唔想太公開o既o野~

 

之前幾日都係度忙緊煩緊買名古屋場o既飛o既問題~因為~之前我諗住博買盲飛算~所以就諗住幫襯信和o個間鋪頭~因為見佢post o既價同日拍,流通o個o的盲飛差唔多~仲有機會平o的~所以就決定幫襯佢~

當我下定決心sd o左張form畀佢~放下o左心頭大石時~之後隔o左幾個字~就話個網個價唔o岩~就改o左個價~@@~個價真係升到可以買到arena位明飛~真係so sad~!!!!!結果~我又要煩買盲定明飛好~><~因為驚明飛會唔夠時間~><~

不過之後真係好感謝luv-ikasamaさんo既解答~^^~最後我都係決定買明飛~^^~因為真係安心o的~不過我呢個小小part time女o既收入,加上我小時候o既積蓄,本來自己買飛o既限額~唔係札幌o既,希望係5,6千蚊~但見到東京場o的價咁勁~睇o黎我要提高個限額~><~雖然今次係括o左出去姐~但係都真係唔想咁貴LO~!!!!

不過~我o係我money man man緊時....信和o個間鋪頭就又咁o岩又抽中我可以入FC~其實都幾耐之前sd o左張form去~因為不嬲我都冇乜抽獎運~所以都係博下~怛竟然就係呢個money man man緊o既時候就抽中入到.....就係咁又畀o左筆錢........

其實我個friend都問緊佢個bf o既o係日本o既friend代入FC o既o野,當然有識得o既friend去代入係平好多喇~不過我又見抽中o左又好似冇理由唔入~就幫襯o左間鋪頭.......haha~如果我個friend的bf的friend OK o既~睇o黎~做2個account o既持有人~???~haha~到時先諗~^^~

- - - - - - - - - - - - - - - - - - - - - - - - - - - - - - - - - - - - - - - - - -  - - - - - - - - - - - - - - - - - - -

不過~又o係我money man man緊o既時候,又去o左個得5條友o既小學同學聚會~小學同學冇人知我有呢個blog~我先講真呀~

其實我真係唔想去~1來~返完工後仲出街係會攰死......仲要係去得夜o既....2來,又係去o個度食,次次都食成100幾200蚊~你之前o係o個度做過都係咁話姐~其實唔一定要o個間架ma~雖然真係好耐冇見~你都話見得多小小~我仲更加耐~小6到而家~!!!!!雖然傾計都ok o既~都算係傾到~不過好耐冇見LO~好耐冇見就要同人慶祝生日~有點兒那個LO~

而我就係一個對o的唔多熟o既人會唔好意思出聲o既人~你話你有o野做~個蛋糕你就叫o左我買住先~點知我去到~你係同緊個鬼佬吹緊水......你又唔想畀生日o個個人知~所以我趕到係跑去買.......但埋單時~冇人提過個蛋糕o既錢~而我~都冇出聲~結果~成個蛋糕o的錢~我又出o左~就係咁~o係我唔夠money o既時候.....一日使o左我一個week返工使o既錢.....仲有多....

雖然攪手o既你係我小學時最friend,而且都係唯一會keep住聯絡o既friend,但係我有時真係唔係好想同你出街~所以我都推o左你好多次~因為真係唔想~我真係唔知你變o左定我變o左喇~不過我知我係你所講o既唔o岩key o既o個堆+o岩o岩地key o既o個堆LO~有時會o岩~有時唔o岩咁LO~

有次,講真係,係有o的火都o黎,都有o的係預o左你會係咁~有次你約o左我出街~食飯~好喇~放o左工~由觀塘出o左旺角喇~出到去~打畀你~係你男友聽電話~話你唔舒服~叫我一陣再打去~好喇~都詁到有o的o野喇~再打~果然都係你男友聽~結果~你係真係講都冇同我講聲~約就係你約~甩底都係你甩底~雖然我都唔知你係真係唔舒服定心情唔好喇~不過~我覺得你應該同我講聲你唔舒服出唔到呀咁LO~

初初仲係初中時o既我仲希望你會變番識諗o的~不過~睇o黎你已經唔係我以前小學時識o既o個個~不過我都唔想冇o左你呢個friend o既~話哂~都識o左10年~而且~你唯一有o的冇變o既~就係對朋友o既重視~所以~都係保持原狀喇~

(以上o既"你"~就係我個小學時o既最friend~)

好~以上呢一段~我都係發洩下~同埋講o左我多年o黎o既感覺~可以無視o既~

- - - - - - - - - - - - - - - - - - - - - - - - - - - - - - - - - - - - - - - - - -  - - - - - - - - - - - - - - - - - - -

到上星期6~我就係去o左睇"告白"~終於睇o左~!!!!!去o左尖咀間i square睇~^^~睇早場~40蚊~!!!!!抵到爛~!!!!!

不過"告白"呢套戲係真係好睇o既~係好值得去睇~

我最想講o既係~o的畫面係真係好靚~^^~!!!!!而套戲去交代每一個人時o既手法係好唔同~好特別~

初初睇o的戲o既簡介時~覺得個老師係好老師~係真係想令到o個2個學生知道生命o既可貴~不過我睇完之後~會有o的覺得其實個老師真係有o的想報復~又或者可以講係用錯o左方法去教導~雖然~o個2個學生~係真係可能要用激o既方法去教先知~但係呢個方法又過激o左o的~而令到有人死~

咁個老師係好~???~定唔好~???~真係唔知~

而套戲o既人~都係社會o既其中一個現象~就係有咩錯~有咩問題一係就逃避~一係就賴人~有咩錯都係推哂落其他人身上~

而都令到o個2個學生做出呢個行為&變成咁~第1~就係家長~一個o既呀媽就過份保護~一個就係個呀媽就尋求自己o既理想同夢想而迫佢~唔理佢~第2~就係o的同學o既欺凌~第3~就係自己諗Y o左~

呢套戲~係話會睇到upset~唔開心~我就都有小小~而有o的位係眼濕濕~不過我可能之前睇o左呢套戲會出o的咩message~一路睇就一路諗o的message~搞到都唔記得自己o既唔開心位o係邊~haha~

 

近況完畢~^^~